EMAITZAK. ELGOIBAR - Gipuzkoako taldekako giza proba txapelketako azken jardunaldia
2015/07/18 | OrokorraArratsaldeko 6etan eman zaio hasiera Elgoibar-en ospatu den Gipuzkoako taldekako giza proba txapelketako 4. eta azken jardunaldiari.
Ligaxkako azken jardunaldi honetan, binaka aritu dira taldeak hamar minutuko bi txandetan. Berrobi eta Mendaroko taldeek eman diote hasiera saioari, eta Itziar eta Deba izan dira atzetik aritu direnak.
Probako sailkapena:
1.- ANDUTZ-Itziar 44 plaza eta 0,22 metro
2.- TARINAK-Deba 43 plaza, 3 zinta eta 5,18 metro
3.- TOPE NATXIOK-Mendaro 42 plaza, 2 zinta eta 3,14 metro
4.- BERROBI 42 plaza, zinta 1 eta 6,19 metro
Ligaxkako saio guztietako puntuak batu ondoren, 2015eko Gipuzkoako taldekako giza probako txapelketako garaipena ANDUTZ - Itziar taldearentzat izan da.
Txapelketako sailkapena:
1.- ANDUTZ-Itziar 13 puntu
2.- TOPE NATXIOK-Mendaro 10 puntu
3.- BERROBI 10 puntu
4.- TARINAK-Deba 7 puntu
